Crefftau a chrochenau

Tra’ch bod ar wyliau, gallwch fanteisio ar stiwdio Crefftau a Chrochenwaith hyfryd, golau ac eang Waunifor sydd wedi’i adeiladu i’r diben mewn lleoliad heddychlon a hamddenol.  Os ydych chi eisiau rhoi cynnig ar greu eich crochenwaith ei hun, dysgu sut i wneud mosaig, neu greu gemwaith â gleiniau hyfryd, yna mae Gwyliau Crefftau Waunifor yn berffaith i chi. Rydym yn darparu ar gyfer unigolion, teuluoedd a grwpiau a gallwch archebu unrhyw nifer o sesiynau dwy awr ag y dymunwch yn ystod eich arhosiad.
Gallwch ddewis o blith;

    Taflu ar olwyn y crochenydd:
 
    Modelau clai ac adeiladu â llaw:
 
    Peintio crochenwaith – addurno plât, powlen, myg, fas ayyb sydd eisoes wedi’u gwneud, a bydd yn cael ei wydro a’i ffwrndanio yn barod i chi fynd ag ef adref gyda chi:
 
    Mosaigau gan ddefnyddio teils gwydr lliwgar:
 
    Mosaigau lliwgar gan ddefnyddio tsieni toredig a gwrthrychau wedi’u hailgylchu.
 
    Gwneud mwclis o glai polymer (Fimo):
 
    Gwneud gemwaith glain, gan ddefnyddio gleiniau cyffrous o bob cwr o’r byd i wneud mwclis, clustdlysau, breichledi a mwy:
 
    Gwneud ffelt – i’w hongian, capiau tebot, bagiau ayyb, o gnu i’r eitem orffenedig:
 
    Peintio gwydr gan ddefnyddio paentiau tryloyw hyfryd i addurno’r llestri gwydr:
 
    Gwneud cardiau cyfarch, gan ddefnyddio amrywiaeth o dechnegau.

Darperir deunyddiau a chyfarpar, felly’r cyfan y mae ei angen arnoch yw eich creadigedd a’ch brwdfrydedd. Hwyl i’r teulu cyfan; gwych ar gyfer aduniadau gyda ffrindiau neu bartïon plu; neu dewiswch hyfforddiant un ac un ac archwilio crefft ddewisol er mwyn ychwanegu at wyliau pleserus - y cyfan tra bydd eich partner yn mwynhau pysgota neu wylio adar! Cynhelir dosbarthiadau crochenwaith wythnosol yn rheolaidd yn y Stiwdio ar gyfer y rheini sy’n byw yn lleol, ynghyd â rhaglen o grefftau eraill a restrir uchod – a gall unrhyw un sy’n aros ar y safle ymuno â’r rhain, os oes lle.

Am fanylion pellach ar y crefftau sydd ar gael, a phrisiau ayyb, ewch i http://www.craftybreaks.com.